Nënkryetari i Srpska-s: Letra e Vuçiq qetësoi serbët e veriut
Nënkryetari i Listës, njëherësh deputet i Kuvendit, Igor Simiq është deklaruar për gjendjen e fundit në Republikën e Kosovës.
Mediat beogradase kanë cituar numrin dy të Srpska-s i cili u shpreh se serbët e veriut këtyre ditëve ishin në siklet për shkak të deklaratave të papërgjegjshme për trazira, transmeton Indeksonline.
Megjithatë, Simiq paralajmëroi se partia e tij do të mbështesë fuqishëm mesazhin e Beogradit zyrtar rreth situatës në Kosovë.
“Letra e Presidentit të Serbisë, Aleksander Vuçiq ka sjellë lehtësim për të gjithë serbët që jetojnë në Kosovë”, është shprehur ai.