Favilli premtues, Juve mposht Bayernin
Juventus e ka mposhtur Bayern Munich me rezultat 2:0, në ndeshjen e zhvilluar si pjesë e përgatitjeve për edicionin e ri.
Dy gola të Andrea Favilli, njëri në minutën e 32-të dhe tjetri tetë minuta pas të parit, ishin të mjaftueshëm për Zonjën e Vjetër nga Torino.
Klubi gjerman nuk pati përgjigje për Juventusin deri në fund të takimit dhe kështu, pas fitores në ndeshjen e kaluar ndaj Paris Saint-Germain, përballjen e dytë kontrolluese, e humbën.
Bayerni ndeshjen e radhës e ka kundër Manchester Cityt më 29 korrik, ndërsa Juventusi do të ndeshet me Benfican më 28 korrik.