22:13 / E Hënë, 28 Nëntor 2022 / GF

Portugalia fiton ndaj Uruguait dhe e siguron kualifikimin tutje

Portugalia ka shënuar fitoren e dytë në Botëror, duke u kualifikuar në 1/8 e finales.

Portugezët triumfuan ndaj Uruguait me rezultat të pastër 2:0.

Pjesa e parë nuk dha asgjë, teksa dy golat e fitores së Portugalisë u shënuan në pjesën e dytë dhe nga i njëjti lojtar.

Ishte minuta e 54-të, kur Bruno Fernandes krosoi bukur në zonë për Ronaldon, i cili kërceu por nuk arriti ta devijonte topin, por që e hutoi portierin.

Kësisoj, goli iu regjistrua Bruno Fernandesit.

Në minutat shtesë të ndeshjes, Bruno Fernandes shënoi nga penalltia, pasi Ronaldo paraprakisht u largua nga loja.

Kjo fitore e dërgon tutje Portugalinë, që i bashkohet Francës dhe Brazilit, si tri ekipet e kualifikuara.

Portugalia gjendet e para në grupin H me gjashtë pikë dhe prin e vetme.

Uruguai gjendet i fundit aktualisht me vetëm një pikë dhe do ta kërkojë kualifikimin tutje në ndeshjen direkte që e ka me Ganën.