23:23 / E Premte, 14 Shtator 2018

Reagon Kelmendi: Policët duhet të shkojnë në xhami dhe kishë

Ish deputeti i Kuvendit, Gëzim Kelmendi dhe njëherësh Kryetar i partisë “Fjala” ka reaguar pas deklaratave që i ka bërë ditë më parë drejtori i policisë së Kosovës Rashit Qalaj kundër praktikimit të obligimeve fetare në xhami apo kisha nga policët.

Kelmendi në një status në Facebook ka thënë se në SHBA edhe në BE, policët dhe ushtarët praktikojnë lirshëm obligimet e tyre fetare gjatë orarit të punës.

Ky është reagimi i plotë i Kelmendit:

Mos i shkelni të drejtat e policëve, ka përënduar komunizmi. Policët gëzojnë të drejtën ligjore dhe kushtetuese të shkojnë edhe në xhamia edhe në kisha.

Deklarata e drejtorit të policisë së Kosovës Rashit Qalaj kundër praktikimit të obligimeve fetare në xhami apo kisha nga policët e Kosovës, është deklatatë kundër kushtetutës së Republikës së Kosovës, kundër ligjeve në fuqi dhe kundër drejtave të njeriut.

Drejtori Qalaj duhet ta dijë se edhe në SHBA edhe në BE, policët dhe ushtarët praktikojnë lirshëm obligimet e tyre fetare gjatë orarit të punës.

Bile ata përveç që shkojnë në xhamia dhe kisha, ata kanë edhe faltoret nëpër kampe dhe stacione policore dhe ushtarake.

Drejtori Qalaj duhet ta ketë parasysh që Kosova është vend demokratik dhe jo vend komunist.

Komunizmi ka përënduar.

Policia është shtylla e shtetit të Kosovës.

Çdo shkelje e të drejtavë të policëve të Kosovës, është shkelje e shtetit të Kosovës, është shkelje mbi gjakun e dëshmorëve.