Shqipëria donacion Greqisë pas tragjedisë së zjarreve

Kryeministri i Shqipërisë Edi Rama ka bërë të ditur se Shqipëria ka aprovuar një donacion në shenjë solidariteti me Greqinë, ku deri më tani kanë humbur jetën rreth 70 persona nga zjarret që kanë përfshirë pjesë afër Athinës.

“Shqipëria ndjehet veçanërisht pranë Greqisë fqinje në këto orë tragjike për ata që humbën të dashurit e tyre dhe po përballen me pasojat e dhimbshme të një zjarri të tërbuar! Qeveria Shqiptare sapo aprovoi një donacion në shenjë solidariteti me vëllezërit e motrat tona”, ka shkruar ai.

Shteti grek është përfshirë një valë zjarresh që kanë rezultuar fatale, kurse kërkimi për qindar të zhdukur është duke vazhduar ende.