Spanja kandidate për ta organizuar Kupën e Botës

Federata Spanjolle e Futbollit dëshiron të paraqesë kandidaturën e saj për të organizuar Kampionatin Botëror 2030 ose Eurokupën e vitit 2028.

Kjo ide është diskutuar në takimin e Presidentit të Qeverisë spanjolle, Pedro Sánchez , me atë të Federatës Spanjolle të Futbollit Luis Rubiales dhe atë të FIFA-s, Gianni Infantino, shkruan indeksonline.

Ideja e organizimit të Kupës së Botës 2030 është në dy mundësi: E para është një kandidaturë unike dhe e dyta, që ajo të ndahet me Marokun dhe Portugalinë. E dyta është ajo që Federata Spanjolle e Futbollit e konsideron më konsistente për të qenë në gjendje të imponojë veten në kandidatët e tjerë.

Spanja ka organizuar vetëm një Kupë Botërore në vitin 1982. Në vitin 2020 Bilbao do të jetë një nga qytetet që do të organizojë ndeshjet e Kampionatit Europian. Kupat e ardhshme botërore do të mbahen në Katar, në vitin 2020, dhe në Shtetet e Bashkuara, Kanada dhe Meksikë, të cilat paraqitën një kërkesë të përbashkët për vitin 2026. /IndeksOnline/