Superkupa e Kosovës përmes fotografive, përplot emocione (Foto)

Sot ishte një ditë e madhe për futbollin kosovar.

Në stadiumin e renovuar “Fadil Vokrri”, me standarde të UEFA-s, u zhvillua ndeshja e futbollit mes Dritës dhe Prishtinës.

Mijëra tifoz u nisën drejt stadiumit për të zënë vend, dy orë para fillimit të këtij eventi sportive.

Këtu, asesi nuk munguan forcat e rendit për tu kujdesur për mbarëvajtjen e gjithë kësaj ndeshje, shkruan Indeksonline.

Interesimi për të ndjekë nga afër këtë lojë ishte jashtëzakonisht i madh, dhe të gjitha biletat u shiten në kohë rekord. Kështu, shumë tifoz mbeten jashtë stadiumit.

E pranishme ishte edhe familja e legjendes së futbollit, Fadil Vokrri.

Ndërkohë që të dyja ekipet po bënin përgatitjet e fundit për këtë sfidë. Të pranishëm ishin edhe disa politikan të vendit, përfshirë edhe presidentin Hashim Thaçi.

Atmosfera në stadium dukej e zjarrtë, dhe përplot emocione.

Disa minuta pasi loja filloi kishe shance të shumta ekipi i Prishtinës për të shënuar në portën e klubit Drita. Dhe keshtu, goli i parë erdhi nga Makenda i Prishtinës, për të përmbyllur pjesën e parë të kësaj ndeshjeje.

Pjesa e dytë e lojës- nuk vazhdoi edhe aq mirë. Kjo pasi që disa tifoz hodhën mjete piroteknike në fushë.

Tifozët e të dyja palëve, kanë hedhur mjete piroteknike gjë që është e ndaluar me rregulla të UEFA-së dhe FIFA-së.

Inspektorët e sigurisë së UEFA-s dukeshin të pakënaqur në momentin e këtij akti jo të hijshëm, transmeton IndeksOnline.

Në pjesën e dytë barazoi edhe Drita me Fidan Gërbeshin.

Pas një kundërsulmi perfekt nga gjilanasit dhe një pasimi brilliant nga Shabani, Haxhimusa ka shënuar gol në minutën e 82-të.

Prishtina kishte më shumë raste sonte, megjithatë Drita në stilin e kampionit, arrinë ta rikthejë rezultatin.

Drita është shpallur kampione e Superkupës së Kosovës në futboll.

Skuadra gjilanse ka arritur që ta mposhtë Prishtinën me rezultat, 2-1.

Ky ishte titulli i parë i Dritës në Superkupën e Kosovës në futboll, shkruan Indeksonline.

Presidenti i vendit, Hashim Thaçi dhe i biri i presidentit të ndjerë, Fadil Vokrrit, Gramozi dorëzuan trofeun te Drita.

Pas përfundimit të kësaj, policia e Kosovës ka arrestuar disa persona me dyshimet se po të njejtit hodhën mjetet piroteknike derisa po zhvillohej superkupa. /Indeksonline/