Tifozi kroat “shuplak” Shaqirit, legjenda Prosinecki i del në mbrojtje Serbisë (Video)

Ka shumë tifozë në Kosovë që përkrahin Kombëtaren e Kroacisë. Megjithatë, këtë respekt kroatët mund ta humbasin.

Një tifoz i Kroacisë dhe shumë të tjerë, siç duket ishin kundër festimit të Granit Xhakës dhe Xherdan Shaqirit, shkruan IndeksOnline.

Në një video të publikuar në rrjetet sociale, shihet një tifoz i cili ka të veshur fanellën kroate duke goditur një karton me figurën e futbollistit kosovar, Shaqiri.

Kjo nuk ishte e gjitha, edhe legjenda e futbollit të Kroacisë, Robert Prosinecki, e quajti ndeshjen Serbi – Zvicrës, si katastrofale.

Ai po ashtu kritikoi ashpër gjyqtarin Felix Brych.

“Ky është një krim i pastër!. Ai nuk e bëri vetëm një gabim, ishin plotë”, ka thënë Prosinecki.

Kujtojmë që Xhaka dhe Shaqiri ishin dy realizatorët e golave për Zvicrën./IndeksOnline/