Trajneri i Azerbajxhanit: Kosova e meritoi fitoren
Ani pse u cilësuan si favorit, Azerbajxhani e humbi ”luftën” në Prishtinë.
Azerët pësuan humbje të thellë nga të besuarit e Bernard Challandes me rezultat, 4-0.
Me këtë humbje, Azerbajxhani nuk ia del të kualifikohet në grupin C, ndërsa Kosova po, transmeton IndeksOnline.
E pas ndeshjes, ka reaguar edhe trajneri i Azerbajxhanit, Gurban Gurbanov, i cili tha se fitoren e merituan kosovarët.
”Urime Kosovës për fitoren e merituar. Erdhëm me dëshirën për të fituar, por nuk ia dolëm. Pothuajse çdo goditje e tyre përfundoi me gol”.
”Nuk dua t’i kritikoj lojtarët e mi, por mbrëmë e mësuam fuqinë e kundërshtarit. Kosova ishte më e fortë se ne”, tha Gurganov në mes të tjerash./IndeksOnline/