23:47 / E Hënë, 22 Tetor 2018

Viktima tjetër nga aksidenti në Prishtinë, po lufton për jetë

Sot në Rrugën B në Prishtinë dy femra janë goditur nga një veturë, ku si pasojë e plagëve të marra njëra nga to ka ndërruar jetë, ndërsa tjetra po vazhdon të qëndrojë në QKUK për trajtim të nevojshëm mjekësorë.

Burime të Indeksonline bëjnë të ditur se e lënduara e dytë e këtij rasti është në gjendje të rëndë shëndetësore.

Ndërkohë, viktima e parë është L.A, e moshës 30 vjeçare dhe trupi i saj është dërguar në Institutin e Mjekësisë Ligjore për obduksion. Vdekjen e ka konfirmuar për Indeksonline, Milaim Fejzullahu, Komandant i Policisë së Trafikut të Prishtinës./Indeksonline/