Zjarri përfshin një pjesë të stadiumit të Baselit, shkakton dëme të mëdha

Një zjarr ka kapluar zhveshtoret në stadiumin St. Jakob-Park të Baselit.

Klubi i Baselit e ka bërë lajmin të ditur, duke njftur po ashtu anulimin e ndeshjes së sotme ndaj Thun, shkruan IndeksOnline.

Nuk dihet ende si ka ardhur deri te incidenti, derisa shkaktoi dëme të mëdha materiale, por për fat të mirë, nuk pati persona të lënduar.

”Të prekura janë, ndër të tjera, dhomat e zhveshjes, dhomat e pajisjeve, si dhe të gjitha materialet e lojtarëve dhe të trajnerëve. Gjithashtu u dëmtuan zyra e trajnerëve, zyra e menaxherit të ekipit, zonat e fizioterapisë, si dhe dushet dhe pajisjet sanitare. Përveç dëmeve të mëdha materiale, preken edhe këpucët personale të futbollit, të gjitha pajisjet e lojës dhe zëvendësuese (fanellat, materialet stërvitore, etj.), si dhe pajisjet mjekësore dhe teknike të nevojshme për operacionet e ndeshjes dhe të cilat nuk mund të zëvendësohen me një njoftim të shkurtër.”, thuhet ndër të tjera në njoftim./IndeksOnline/

ℹ️ 𝐁𝐫𝐚𝐧𝐝 𝐢𝐦 𝐁𝐚𝐬𝐥𝐞𝐫 𝐊𝐚𝐛𝐢𝐧𝐞𝐧𝐭𝐫𝐚𝐤𝐭: 𝐒𝐩𝐢𝐞𝐥𝐚𝐛𝐬𝐚𝐠𝐞 𝐓𝐇𝐔 – 𝐅𝐂𝐁

Die für heute angesetzte Partie zwischen dem FC Thun und dem FC Basel 1893 kann nicht stattfinden. Grund dafür ist ein Brand im Kabinentrakt der 1. Mannschaft des FC Basel 1893 im… pic.twitter.com/wsX88UL39V

— FC Basel 1893 (@FCBasel1893) April 11, 2026