Zyrtare: Skuadra e Vëllaznimit shkarkon trajnerin

Skuadra gjakovare, Vëllaznimi ka shkarkuar trajnerin, Arsim Gojani.

Klubi i Vala Superligës së Kosovës gjatë ditës së sotme ka vendosur që ta largojë nga bankina, trajnerin e njohur Arsim Gojani, shkruan IndeksOnline.

Lajmin e ka bërë të ditur presidenti i klubit, Shkëlzen Gashi.

“Pas shkarkimit të zotëri trajnerit, Arsim Gojani, që tre vite derdhi djersën e tij duke punuar me zemër për Vëllaznimin, dikush duhet të përgjigjet për marrjen e 55 mijë euro nga Komuna, 10 mijë nga familja Xhaka dhe 10 mijë nga televizioni”, ka shkruar Gashi në rrjetet sociale.

Ky shkarkim vjen, pas barazimit pa gola (0 me 0) ndaj Besës së Pejës. Tani skuadra e Vëllaznimit e ka të vështirë t’i ik barazhit, pasi qëndron në pozitën e 9’të me 36 pikë.

Kujtojmë që skuadra e Vëllaznimit ka siguruar finalen e Kupës së Kosovës, ku do të luajë me Prishtinën./IndeksOnline/

Lexoni statusin e plotë të Gashit…