Messi mbetet në botëror, Kroacia e jashtëzakonshme (Video)

Kroacia dhe Argjentina janë kualifikuar në rundin tjetër të Kupës së Botës pasi kanë mposhtur Islandën respektivisht Nigerinë.

Skuadra nga Amerika Latine mposhti afrikanët me rezultat 2-1 në një ndeshje shumë të bukur.

Lionel Messi shënoi golin e parë në minutën e 14-të duke i dhënë shpresë skuadrës.

Nigeria barazoi rezultatin me një gol nga penalltia në minutën e 51-të, shkruan indeksonline.

Heroi i Argjentinës ishte Marcos Rojo i cili shënoi golin e kualifikimit në minutën e 86-të të ndeshjes.

Në ndeshjen tjetër, Kroacia ka shënuar fitoren e tretë në tri ndeshje në Kupën e Botës.

Skuadra nga ballkani edhe pse me shumë mungesa në formacion mposhti Islandën me rezultat 2-1.

Ndeshjen e hapi Milan Badelj me një gol në minutën e 53-të.

Sigurdson barazoi rezultatin në minutën e 76-të me një gol nga penalltia.

Fitorën Kroacisë ia siguroi Perisic në minutën e fundit të ndeshjes.

Me këto fitore, Kroacia është e para në grupin D me nëntë pikë, ndërsa Argjentina në vendin e dytë me katër pikë.

Kroacia në rundin tjetër do të luaj kundër Danimarkës, ndërsa Argjentina kundër Francës. /IndeksOnline/