Anita Haradinaj flet për humbjen e nënës së saj nga kanceri

Anita Haradinaj, prezantuesja dhe bashkëshortja e kryeministrit të Republikës së Kosovës, Ramush Haradinajt sot ka folur për herë të parë për vdekjen e nënës së saj.

Anita ka treguar se si nëna e saj e humbi betejën me kancerin, ndërsa potencoi se mbështet të gjitha gratë e forta që luftojnë me këtë sëmundje.

“Nuk mund të jap një mesazh të qartë rreth kancerit, e thashë unë e kam humbur mamin tim nga kanceri, prandaj nuk besoj tek lufta sepse më shumë është punë fati, sesa punë i të ndenjurit gati. Kam pas një mam jashtëzakonisht të mirë, të fortë, gru të cilivizuar, të emancipuar. I rrinte vetes gati, por e ka humbur betejën, betejën për herë të dytë, sepse të parën e fitoi, por sëmundja e mposhti”, tha ajo në përmbylljen e fushatës për disa ditë nga nisma humanitare ‘Ti je një luledielli’.

“Unë iu përshëndes, unë i dua gratë e forta, unë i mbështes gratë e forta. Ne me fondacionin tonë ‘Ti je një lulediell’, kemi vendos që t’i mbështesim fëmijët e prekur me kancer. Ka qenë shumë e dhimbshme që të punosh me ata fëmijë. Në këtë vit do t’i qojmë aparaturat në spital për të cilat ka pas nevojë, pavarësisht në të gjitha vështirësitë që kemi kalu’, përfundoi Anita.

Ndryshe nisma humanitare ‘Ti je një luledielli’ nga Albana Osmani ka marrur tashmë vëmendje dhe përkrahje në të gjitha trevatshqipfolëse dhe po vazhdon suksesshëm kauzën që ka./Indeksonline/