Golden State ndëshkohet në shtesë, fitojnë Oklahoma e Dallas
Koha shtesë ka ndëshkuar Golden State, që u mund 121-116 nga Clippers, ndeshje ku vendasit patën një epërsi të lehtë gjatë gjithë kohës, por në fund shifrat u barazuan 106-106. Për Clippers, 6 lojtarë realizuan mbi 10 pikë, me Lou Williams që realizoi 25 pikë e Harrell 23, të dy lojtarë që e nisën ndeshjen nga stoli.
Për Warriors u dallua Durant, me një “triple double” (33 pikë, 11 rebaund e 10 asist, mbështetur edhe nga Thompson me 31 pikë, por që mbetën për statistikë (vijon të mungojë Curry, i dëmtuar).
Humbet skuadra e San Antonio, që u mund 104-99 nga Sacramento, sfidë në përgjithësi e ekuilibruar, por vendasit u shkëputën në fund dhe triumfuan falë 22 pikëve të Bogdanovic. Dallas mposht 103-99 Chicago, ndeshje e luajtur në fushën e këtij të fundit.
LaVine me 26 pikë ishet shënuesi më i mirë i takimit, por që s’mjaftuan për të evituar humbjen e Bullsa, ndërsa për teksantë u dallua Barnes me 23 pikë.
Fitorja e nëntë sezonale për Philadelphia, që mposhti 124-114 Miami, takim i komanduar nga miqtë, të karikuar edhe nga lajmi i transferimit të Butler (nuk luajti).
Më i miri në fushë ishte Embiid me 35 pikë e 18 rebaund, që pati edhe ndihmën e Reddick me 25 pikë. Rikthehet te fitorja skuadra e Oklahomës, që mundi 118-101 Phoenix (George 32 pikë), ndërsa Minnesota mundi 120-113 Brooklyn, falë 25 pikëve e 21 rebaund të Towns.
NBA – Rezultatet e sotme
Washington – Orlando, 117-109
Miami – Philadelphia, 114-124
Toronto – New Orleans, 110-126
Chicago – Dallas, 98-103
Memphis – Utah Jazz, 88-96
Minnesota – Brooklyn, 120-113
Oklahoma – Phoenix, 118-101
Sacramento – San Antonio, 104-99
Clippers – Golden State, 121-116