GOLI ‘fantazmë’ i Vedat Muriqit!
Vedat Muriqi mbrëmë shënoi golin e fitores në ndeshjen kundër Parma-s (2-1) dhe kualifikoi Lazion në çerekfinale të Kupës së Italisë.
Muriqi goditi topin me kokë në minutën 90’të, topi shkoi në shtyllë dhe pastaj në gol – por për të shkuar në gol u dashtë devijimi i portieri të Parma-s, shkruan IndeksOnline.
Lazio thotë se Vedat Muriqi ka shënuar golin e tij të parë me fanellën e ‘biancocelesti’ – disa media shkruajnë se goli nuk është duke i numëruar Muriqit.
Ashtu thotë edhe faqja zyrtare e Coppa Italia, të cilët golin e fitores e cilësojnë si autogol nga Colombi. Autogol është edhe te faqja e famshme për rezultateve ‘Flashscore’.
Edhe rregulla thotë se nëse topi godet shtyllën, zyrtarisht i bie se nuk ishte duke shkuar drejtë portës – andaj devijimi i portierit në rastin e Muriqit vlerësohet si autogol.
Pra shënimi i sulmuesit të Kombëtares së Kosovës mbetët gol ‘fantazmë’, deri në njoftimin zyrtar./IndeksOnline/