Hajnat e vodhën veturën në Prishtinë, pas gjysmë ore tentuan vjedhje me të

Indeksonline mbrëmë ka raportuar vjedhjen e një veture në Prishtinë. Ngjarja kishte ndodhur në mëngjesin e të martes në lagjen Nic. Vetura e tipit karvan, ngjyrë e hirit i ishte vjedhur pronarit në oborrin e shtëpisë.

http://indeksonline.net/vidhet-vetura-ne-prishtine-pronari-kerkon-ndihmen-e-qytetareve-per-ta-gjetur/

Por, Indeksonline ka siguruar një video të re ku shihet se si hajnat pak kohë pasi e kishin vjedhur veturën, me të njëjtën kishin tentuar një vjedhje në një market, jo larg ku ishte kryer vjedhja e parë, shkruan Indeksonline.

Madje pronari thotë se ky aksion ishte bërë përafërsisht gjysmë ore pasi atij i ishte vjedhur vetura.

Policia është e njoftuar me rastin dhe është duke bërë hetime të vazhdueshme. Targat e veturës së vjedhur janë, 01 280 KD./Indeksonline/