Hamilton i lumtur me ”pole”, kërkon ta mbyllë me fitore
Lewis Hamilton është shprehur tejet i kënaqur pasi arriti ”pole position” në provat zyrtare të garës për Çmimin e Madh të Abu Dhabit.
Gara në fjalë është e fundit për këtë sezon në Formula 1, ndërsa për Hamilton, ky ishte ”pole” i 11-të këtë sezon sezon.
Piloti britanik, pasi e fitoi titullin e pestë të kampionit të botës, kërkon ta mbyllë sezonin me fitore, transmeton IndeksOnline.
”Ishte emocionale sepse ishte hera e fundit në këtë veturë”, tha Hamilton.
”Nuk ka qenë e lehtë, kam vuajtur, por jam falënderues për mbështetjen e vazhdueshme të skuadrës”.
”Ishin prova argëtuese dhe ‘pole’ ishte për mua një ndjenjë e mrekullueshme”./IndeksOnline/