Joshua pëlqen komentet që ”demolojnë” Wilderin

Anthony Joshua i ka ”pëlqyer” komentet kundër rivalit të tij në peshat e rënda, Deontay Wilder në Instagram.

29-vjeçari, befasisht, i është futur këtij debati të martën, tri ditë pas barazimit kontravers me Wilder dhe Tyson Furyt.

Pas duelit, Joshua shkroi në Twitter: ”Punë e mirë Fury, ata donin që t’i të humbje sepse mendonin se ju jeni i mbaruar!”.

Më pas, në Instagram, AJ shtoi: ”Jam kampion i unifikuar i peshave të rënda”.

”Kam nevojë edhe për një brez që të konsiderohem i padiskutueshëm – të gjitha këto për pesë vite”.

Dhe në këtë postim, shumë nga ndjekësit e Joshuas e kanë përqeshur dhe ofenduar Wilderin, komente të cilat boksierit britanik i pëlqyen./IndeksOnline/