KB Prishtina në “Champions League”

Klubi basketbollistik kosovar, Sigal Prishtina do të jetë pjesë e Champions League për sezonin 2018/19, shkruan IndeksOnline.

Lajmin e ka bërë të ditur vet klubi përmes rrjeteve sociale.

Në këtë turne do të marrin pjesë shumë klube të njohura, në veçantil; Besiktas, AEK, PAOK, Hapoel Tel Avivi, Nymburg dhe Olimpija.

Komunikata e plotë e KB Prishtinës:

Të nderuar Plisa, sponzorë, adhurues të basketbollit dhe gazetarë.

Me shumë kënaqësi e krenari, ju njoftojmë se kemi pranuar ftesën për të qenë pjesë e e ligës prestigjioze evropiane, ‘Basketball Champions League’ për edicionin 2018/19.

Mundi e sakrificat tona për të krijuar një reputacion sa më të mirë të klubit e gjithë kombit në Evropë, po shpaguhen me këso lajme të mira. Kështu, Prishtina do të jetë ekipi i vetëm shqiptar dhe i vetmi nga rajoni jonë i Europës Juglindore ‘Basketball Champions League’, duke qenë edhe njëherë me radhë një lloj “përfaqësuese” e shqiptarëve në Evropë.

Në një konkurrencë të madhe për të qenë pjesëmarrës, në mesin e ekipeve tjera përveç Prishtinës, që do të marrin pjesë në këtë ligë janë edhe skuadrat e mirënjohura evropiane si: Besiktas, AEK, PAOK, Hapoel Tel Aviv, Estudiantes, CEZ Nymburk, Aris, Banvit, Bamberg, Olimpija, SIG Strasbourg e shume tjera. Kurse, jashte kësaj liste, kanë mbetur edhe shumë skuadra të mirënjohura, që nuk kanë arritur të sigurojnë një vend.

Shorti për ekipet pjesëmarrëse do të mbahet më 11 Korrik 2018, kur edhe do të merret vesh se me kë do të takohemi.