Pista, ”Luka Modric” rikthehet në janar

Luka Modric ende kërkohet nga Interi, klub i cili dështoi ta transferojë kroatin këtë verë.

Klubi italian mori përgjigjen ”jo” nga Real Madridi, klub i cili dëshiron ta mbajë lojtarin edhe për dy vitet e ardhshme.

Klauzola e lirimit të Modric është 200 milionë euro, ndërsa italianët i kanë ofruar Modricit një pagë vjetore prej 10 milionë euro, transmeton IndeksOnline.

Presioni i Interit rezultoi me Real Madridin që e raportoi klubin milanez në FIFA pasi negocionoi me lojtarin, i cili ka ende kontratë me ”Los Blancos”.

Dhe siç shkruan Sport Mediaset, Interi do të rikthehet sërish në këtë ”pistë” në afatin kalimtar veror.

Në mediat italiane shkruajnë se Modric, i cili mbushë 33 vite më 9 shtator, iu ka treguar bashkëlojtarëve të tij te Kroacia se dëshiron largimin nga Spanja në janar.

Interi tashmë ka tre lojtarë kroat në skuadër – Vrsaljko, Perisic dhe Brozovic.

E mira e gjithë kësaj për Interin është se nëse arrihet transferimi, atëherë Modric mund të paraqitej në Champions League për ”Nerrazzurët”./IndeksOnline/