PyeonChang: Kosova debuton nesër (Foto)

Përfaqësuesja e Kosovës pritet të debutoj nesër në Lojërat Olimpike Dimërore që po mbahen në PyeongChang të Koresë së Jugut.

Kosova përfaqësohet nga vetëm një sportist, skiatori Albin Tahiri i cili nesër do t’i ketë dy gara, shkruan IndeksOnline.

Tahiri me numër rendor 61, nesër do ta ketë garën e parë duke filluar nga ora 3 e 30 (orën tonë lokale), në disiplinën “Alpine Combined Downhill”. Kurse nga ora 7:00 (orën tonë lokale), garon në disiplinën “Alpine Combined Slalom”.

Favoritet për ta fituar këtë garë do të jenë: Thomas Dressen (Gjermani), Marcel Hirscher (Austri), Pavel Trikhichev (atleti Rus), Matthias Mayer (Austria) dhe Dominik Paris (Itali).

Historik:

Në Lojërat Olimpike të vitit 2014 që u mbajtën në Sochi të Rusisë, me medalje të artë në kategorinë “Alpine Combined Downhill” doli garuesi nga Zvicra, Sandro Viletta, të argjendtë Ivica Kostelic (Kroaci) dhe të bronztë Christof Innerhofer (Itali), vetëm ky i fundit do të merr pjesë në garën e nesërme.

Ndërsa në “Slalom”, në Sochi, i pari doli Mario Matt (Austria), i dyti Marcel Hirscher (Austria) dhe i treti Henrik Kristoffersen (Norvegjia)./IndeksOnline/