Të shtëna me armë në Prishtinë, plagoset një person!

Të shtëna me armë njoftohet të ketë pasur në orët e para të mëngjesit të sotëm në Prishtinë.

Siç mëson Indeksonline, një person është plagosur në rrugën ‘Fazli Grajeqvci’ ku më pas është dërguar për tretman në QKUK.

Pas të shtënave me armë, Njësitet përkatëse të Policisë thuhet të kenë dalë në vendin e ngjarjes ku në veturën e viktimës është gjetur një gëzhojë.

Vendi ku saktësisht janë dëgjuar të shtënat njoftohet të jetë parkingu i ‘Maroon Pub’ në qendër të kryeqytetit.

Viktima e këtij rasti thuhet se në trup ka pasur pesë predha përderisa njoftohet se është jashtë rrezikut për jetë përderisa rasti iniciohet si tentim vrasje./Indeksonline/