Wanda zbulon se cilat klube u interesuan për Icardin këtë verë
Të dy, Juventusi dhe Napoli kërkuan transferimin e kapitenit të Interit, Mauro Icardi këtë verë, gjithnjë sipas gruas dhe agjentes së tij, Wanda Naras.
Sulmuesi kishte një klauzolë lirimi prej 110 milionë euro në kontratën e tij për klubet e huaja në dy javët e para të korrikut, por ai qëndroi.
Megjithatë, duket se kishte gjithashtu interesim të klubeve italiane për transferimin e sulmuesit argjentinas, transmeton IndeksOnline.
”Kontakti i vetëm që Icardi kishte me Juventusin janë shtatë golat që ai i ka shënuar ndaj tyre”, tha Wanda për Tiki Taka.
”Natyrisht se do të ketë oferta për një sulmues si Mauro, por zgjedhja e tij ishte e qartë që nga fillimi”.
”Juventusi u interesua për të, por CR7 ishte objektivi primar i tyre për triumfin në Champions League”.
”E bëra punën time, në qoftë se klubet më thërrasin, unë do të përgjigjem, por vendimi final gjithnjë i takon Mauros”.
”Presidenti i Napolit? U takova me të, ai është një person i mirë. Kemi folur shumë – që nga kinemaja e deri te futbolli”.
”Mendoj se ai i bëri ofertë Interit, por vendimi i Icardit ishte ndryshe”./IndeksOnline/