A keni dëgju? GJERMANIA SHKOI TE SHPIJA (Video)

Gjermania është eleminuar për herë të parë në histori nga faza e grupeve të Kupës së Botës.

Kampionët në fuqi u mposhtën kundër Koresë së Jugut me rezultat 2-0.

Golin e parë në ndeshje e shënoi Kim Young-Gwon në minutën e 94-të, ndërsa të dytin Son heung-Min në minutën e shtatë shtesë.

Në ndeshjen tjetër të grupit F, Suedia ka mposhtur Meksikën me rezultat 3-0.

Golin e parë në këtë e shënoi mbrojtësi i Werder Bremen, Ludwig Augustinsson në minutën e 50-të të ndeshjes.

Rezultatin e dyfishoi kapiteni i Suedisë, Andreas Granqvist me një gol nga penalltia në minutën e 62-të.

Fitorën për skandinavët e vulosi futbollisti i Meksikës Edson Alvarez me një autogol në minutën e74-të të ndeshjes.

Suedia përfundon e para në grup me gjashtë pikë, aq sa ka edhe Meksika në vendin e dytë.

Gjermania dhe Korea e Jugut do të përshëndeten me Kupën e Botës. /IndeksOnline/