Rahoveci dhe Lipjani i matin forcat nesër në Gjakovë

Me përballjen që do të zhvillohet të premten në palestrën “Shani Nushi” në Gjakovë ndërmjet Rahovecit dhe Lipjanit me fillim nga ora 18:00 do të nis xhiroja e shtatë në Superligën e Kosovës në basketboll.

Rahoveci në gjashtë javët e para ka regjistruar 5 fitore e 1 humbje, dhe të vetmen disfatë e ka nga Prishtina, kurse në anën tjetër Lipjani ka bilanc prej 1 fitore e 5 humbje.

Ndërkaq në kuadër të kësaj xhiroje në program janë edhe dy ndeshje të tjera, njëra të shtunën, Bashkimi – Trepça (19:00) dhe tjetra të dielën, Ylli – Borea (17:00).

Kurse dueli mes Prizrenit dhe Prishtinës është shtyrë për shkak të obligimeve të ekipit bardhekaltër në garat evropiane, më saktësisht në FIBA Europe Cup./IndeksOnline/