Milani targeton talentin brazilian, ai po kërkohet edhe nga skuadra tjera
Sipas lajmit të fundit të publikuar nga “La Gazzetta dello Sport”, Milan ka identifikuar sulmuesin e Vasco da Gama, Paulinho, si një përforcim të mundshëm gjatë merkatos së verës.
Drejtori teknik i kuqezinjve, Massimiliano Mirabelli, po punon për të përforcuar ekipin e Gennaro Gattuso dhe po monitoron nga pranë talentin brazilian.
Atletico Madrid, Barcelona, Inter, Juventus dhe Paris Saint-Germain janë klubet e tjera të interesuara për Paulinho, që ka nisur të konsiderohet si një nga futbollistët më premtues në Amerikën Latine.
17-vjeçari ka një klauzolë 30 milionë euro për prishjen e kontratës me Vasco da Gama, e cila refuzoi 14 milionë euro të ofruara nga Atletico Madrid në janar.