10:33 / E Mërkurë, 07 Mars 2018

Anglia mungon në Kupën e Botës?

Një rast spiunimi dhe dyshimi për helmim mund ta vë në pikëpyetje praninë e Anglisë në Kupën e Botës.

Ministri i Jashtëm britanik, Boris Johnson ka folur për një anulim të mundshëm të pjesëmarrjes së Anglisë në Kupën e Botës, që mbahet në Rusi nga 14 qershori deri më 15 korrik, transmeton IndeksOnline.

Në fjalë është rasti i një spiunazhi dhe dyshimi për helmim.

Të dielën, një baba 66-vjeçar dhe vajza e tij 33-vjeçare u gjetën në kushte kritike në një stol në Salisbury, një qytet 150 kilometra në jugperëndim të Londrës.

Sipas policisë, ata u ekspozuan ndaj “një substance të panjohur” dhe ishin ende në kujdesin intensiv.

Sergei Skripal, babi është një ish-kolonel në shërbimet e inteligjencës ruse të rekrutuar nga Anglia në vitet 1990 dhe i arrestuar nga FSB për tradhti të lartë në vitin 2004.

Në frontin e Parlamentit, Boris Johnson ka thënë se në qoftë se qeveria ruse është përgjegjës, “do të ishte e vështirë për të parë në Mbretërinë e Bashkuar të marrin pjesë në këtë ngjarje”./IndeksOnline/