Challandes i lumtur me fitoren, por jo edhe me rastet e humbura
Trajneri i Kosovës, Bernard Challandes ka reaguar pas fitores së Kosovës përballë Maltës.
Kombëtarja kosovare arriti ta mposhtë Maltën me rezultat, 3-1 në ndeshjen e zhvilluar në ”Fadil Vokrri”.
Ndërsa, Challandes është shprehur i kënaqur me fitoren, por jo edhe me rastet e humbura.
”Luajtëm mirë në pjesën e parë, sidomos në mbrojtje, kishim shumë raste, ku mund të shënonim. Dhe rezultati, 1-0 për ne ishte i rrezikshëm”.
”Treguam karakter, gjë e cila ka rëndësi dhe duhet të jemi të lumtur me fitoren”.
”Mendoj se është një fitore e mirë. Sa i përket rasteve të humbura, ne duhet të mësojmë nga kjo.
”Duhet ta mbajmë stilin e lojës, filozofinë, pasi që kemi skuadrën për të fituar. Mendoj se mund të jemi të rëndësishëm në të ardhmen”, u shpreh zvicerani./IndeksOnline/